རྒྱལ་ཁབ་ཆོས་ལུགས་ལས་དོན་ཅུའུ་དང་དམངས་སྲིད་པུའུ་གཉིས་ཀྱིས་མཉམ་འབྲེལ་གྱིས་ཡིག་ཆ་འདི་སྤེལ་ཏེ། དགོན་པ་དང་ལྷ་ཁང་སོགས་ཀྱིས་རང་གི་དཔལ་འབྱོར་སོགས་ཀྱི་ཡོང་སྒོ་དང་དད་ལྡན་མང་ཚོགས་ཀྱི་འབུལ་བ་སོགས་ཁྲིམས་མཐུན་གྱིས་བསྲུང་སྐྱོབ་བྱེད་པར་ཁྲིམས་མིའི་གོ་འཕང་ཇི་ལྟར་ལེན་དགོས་པའི་ལས་ཀྱི་ཆོ་ག་ཞིབ་ཏུ་བསྟན།

ལྷ་ས་གྲོང་ཁྱེར་བཀག་སྡོམ་བྱས་ཏེ་་ཟླ་བ་གཅིག་ལྷག་འགོར་སོང་། མི་རྣམས་ཀྱིས་དྲ་ཐོག་ནས་བསྐུར་བའི་བརྙན་ཐུང་དང་ཆ་འཕྲིན། ལྷག་པར་དུ་ལྷ་ས་གྲོང་ཁྱེར་མི་དམངས་སྲིད་གཞུང་གིས་སྤྱི་ཚོགས་དྲ་རྒྱ་གཙོས་པའི་མི་མང་གི་སྐྱོན་བརྗོད་ཤུགས་དྲག་ལ་གཡོལ་མ་ནུས་པར་ལས་དོན་འཐུས་ཤོར་དུ་ཕྱིན་པ་ངོས་ལེན་གྱིས་མི་དམངས་ལ་དགོངས་དག་ཞུ་བཞིན་པའི་གནས་སྟངས་ལས་ང་ཚོས་ལྷ་ས་གྲོང་ཁྱེར་གྱི་མི་དམངས་དཀྱུས་་མ་རྣམས་་བརྗོད་ལས་འདས་པའི་དཀའ་ངལ་ལ་འཕྲད་དང་འཕྲད་བཞིན་པ་ཤེས་ཐུབ། བོད་ལྗོངས་ཏང་སྲིད་ལས་ཁུངས་དང་ལྷ་ས་གྲོང་ཁྱེར་གཙོས་པའི་རིམ་པ་སོ་སོའི་སྲིད་གཞུང་གིས་གཞུང་དོན་ལེགས་པར་མ་བསྒྲུབས་པས་ནད་ཡམས་ཁྱབ་བརྡལ་དུ་སོང་སྟེ་མི་མང་ལ་དཀལ་ངལ་ཚད་མེད་བཟོས་ཡོད་ཅིང་། གཞུང་དམངས་གཉིས་ལ་དཔལ་འབྱོར་སོགས་ཀྱི་གོད་ཆག་གཞལ་ལས་འདས་པ་བསྐྱེད་པའི་དོན་རྐྱེན་འདི་ལ་ཁྲིམས་ལུགས་གཞིར་བཟུང་སྟེ་བསམ་འཆར་རེ་འགའ་བཤད་ན་འདི་ལྟ་སྟེ།