[caption id=”” align=”alignleft” width=”174”] ས་རྩོད།[/caption]

[caption id=”attachment_1250” align=”alignleft” width=”226”] ཕྱི་གླིང་བའི་དག་སྣང་གི་རྗེ་མི་ལ།[/caption]

ཉེ་ཆར་ཀྲེའུ་ཅང་ཞིང་ཆེན་གྱི་ནང་བསྟན་མཐུན་ཚོགས་ཀྱིས་ཀྲེའུ་ཅང་ཞིང་ཆེན་ཡོངས་རྫོགས་ནས་ཁྲིམས་འགལ་གྱིས་བོད་བརྒྱུད་ནང་བསྟན་སྤེལ་བ་ལ་བཀག་སྡོམ་དང་དོ་དམ་བྱེད་ཀྱི་ཡིན་ཞེས་བརྡ་སྦྱོར་ཞིག་སྤེལ་འདུག ཀྲེའུ་ཅང་ནང་བསྟན་མཐུན་ཚོགས་ཀྱི་བརྡ་སྦྱོར་དེ་ནང་དུ།བརྡ་སྦྱོར་དེ་ནི་ཏང་གི་ཆོས་ལུགས་སྲིད་ཇུས་དང་རྒྱལ་ཁབ་ཀྱི་ཁྲིམས་ལུགས་དང་ཁྲིམས་སྲོལ་ལ་གཞི་བཅོལ་ཞིང་། ཀྲེའུ་ཅང་ཞིང་ཆེན་ཆོས་ལུགས་ལས་དོན་ཨུ་ཡོན་ལྷན་ཁང་གི་བཀའ་བསྒོས་ལྟར་སྤེལ་བ་དང་།དམིགས་ཡུལ་ནི་ཆོས་ལུགས་དབར་གྱི་འཆམ་མཐུན་དང་། སྤྱི་ཚོགས་ཀྱི་འཆམ་མཐུན་ལ་སྲུང་སྐྱོབ་ཀྱི་ཆེད་ཏུ་ཡིན་ཟེར། དེས་ན་ཡིག་ཆ་དང་ཁྲིམས་དང་མཐུན་མིན་དང་། ཁྲིམས་ཀྱི་ནུས་བ་ཡོད་མེད། མང་ཚོགས་ཀྱིས་དེ་ལྟར་ལག་བསྟར་བྱེད་དགོས་སམ་མི་དགོས་བའི་སྐོར་ལ་རོབ་ཙམ་བཤད་པར་བྱ།ཐོག་མར་ཡིག་ཆ་དེ་ནི་ཏང་གི་ཆོས་ལུགས་སྲིད་ཇུས། རྒྱལ་ཁབ་ཀྱི་་ཁྲིམས་དང་མི་མཐུན་པའི་ཡིག་ཆ་ཞིག་ཡིན།

བོད་བསྒྱུར། མཁའ་འགྲོ་རྒྱལ།

རྒྱལ་ཁབ་ཀྱི་ཉེས་དོན་གཏུག་བཤེར་གྱི་ཁྲིམས་ལུགས་མཚམས་སྦྱོར་བྱེད་པའི་མུ་འབྲེལ་འགུལ་རིས་གློག་བརྙན་ཆུང་ཆུང་འདི་ནི་༼ཁྱེད་ཀྱི་ཐོབ་ཐང་ཤེས་དགོས།༽ཟེར་བའི་ལས་གཞི་ཡི་ལས་དོན་རྣམ་གྲངས་ཤིག་ཡིན། བརྙན་ཆུང་འདི་ལ་ཁྱོན་བསྡོམས་ལེའི་ལྔའི་ནང་ནས་ལྔ་པ་ ཉེས་ཆད་འགྱང་འཁུར་དང་བསྐྱར་བཤེར་སྐོར་ཡིན། དྲ་གྲོགས་རྣམ་པ་དུས་ལྟར་ཁྲིམས་གླེང་གི་དྲ་ཚིགས་༼trimleng.cn༽ལ་ཕེབས་ནས་གློག་བརྙན་འདིར་གཟིགས་པར་སྤྲོ་བསམ་འཁོལ་བའི་ངང་ནས་དགའ་བསུ་ཞུ།

རྒྱལ་ཁབ་ཀྱི་ཉེས་དོན་གཏུག་བཤེར་གྱི་ཁྲིམས་ལུགས་མཚམས་སྦྱོར་བྱེད་པའི་མུ་འབྲེལ་འགུལ་རིས་གློག་བརྙན་ཆུང་ཆུང་འདི་ནི་༼ཁྱེད་ཀྱི་ཐོབ་ཐང་ཤེས་དགོས།༽ཟེར་བའི་ལས་གཞི་ཡི་ལས་དོན་རྣམ་གྲངས་ཤིག་ཡིན། བརྙན་ཆུང་འདི་ལ་ཁྱོན་བསྡོམས་ལེའི་ལྔའི་ནང་ནས་བཞི་པ་ གོང་གཏུག་དང་ཡང་བཤེར་སྐོར་ཡིན། དྲ་གྲོགས་རྣམ་པ་དུས་ལྟར་ཁྲིམས་གླེང་གི་དྲ་ཚིགས་ལ་ཕེབས་ནས་གློག་བརྙན་འདིར་གཟིགས་པར་སྤྲོ་བསམ་འཁོལ་བའི་ངང་ནས་དགའ་བསུ་ཞུ།

འདྲི་མཁན། སྟག་ལྷ་རྒྱལ།

ལན་འདེབས་མཁན། སྒྲོལ་མ་སྐྱབས།

༡   སྤྱིར་བཏང་གི་ཁྲིམས་ཀྱི་གོ་དོན་ནི་ཇི་ཞིག་ཡིན།

ལན། ཁྲིམས་ཟེར་ན་གོ་བ་ལེན་སྟངས་མི་འདྲ་བས་དབང་གིས་དེར་མཚན་ཉིད་འཇོག་སྟངས་ཡང་མི་འདྲ་བ་སྣ་ཚོགས་ཡོང་གི་ཡོད། ཤར་ནུབ་གྱི་རིག་གནས་དང་གནའ་དེང་གི་ལོ་རྒྱུས་ཀྱིས་བསྐལ་བ་ལས་ཁྲིམས་ལ་མཚན་ཉིད་མི་འདྲ་བ་མང་བོ་བཞག་ཡོད་པ་དེ་ནང་གི་ཐུན་མོང་གི་ཁྱད་ཆོས་ཕྱོགས་གཅིག་ཏུ་སྡོམ་ནས་བཤད་ན། ཁྲིམས་ནི་གང་ཟག་གི་སྤྱོད་ལམ་ཚོད་འཛིན་པའི་ཚངས་ཐིགས་ཤིག་ལ་གོ་བ་དང་། ཚངས་ཐིགས་དེ་ཡང་རྒྱལ་ཁབ་ཀྱི་དབང་ཆ་ལ་བརྟེན་ནས་བཟོས་ཤིང་། རྒྱལ་ཁབ་ཀྱི་དབང་དྲག་ཀྱང་ཚངས་ཐིགས་དེའི་རྒྱབ་རྩ་རུ་བསྡད་པ་ཞིག་ཡིན་དགོས། ཁྲིམས་ཀྱི་བརྗོད་བྱ་གཙོ་བོ་ནི་སྤྱི་དམངས་ཀྱི་ཐོབ་ཐང་དང་འོས་འགན་གཙོ་བྱས་ཏེ་བཀོད་ཡོད་པ་དེ་འདྲ་ཞིག་ལ་གོ་དགོས་བར་སྙམ།

རྒྱལ་ཁབ་ཀྱི་ཉེས་དོན་གཏུག་བཤེར་གྱི་ཁྲིམས་ལུགས་མཚམས་སྦྱོར་བྱེད་པའི་མུ་འབྲེལ་འགུལ་རིས་གློག་བརྙན་ཆུང་ཆུང་འདི་ནི་༼ཁྱེད་ཀྱི་ཐོབ་ཐང་ཤེས་དགོས།༽ཟེར་བའི་ལས་གཞི་ཡི་ལས་དོན་རྣམ་གྲངས་ཤིག་ཡིན། བརྙན་ཆུང་འདི་ལ་ཁྱོན་བསྡོམས་ལེའི་ལྔའི་ནང་ནས་གསུམ་པ་ འཛིན་བཟུང་དང་ཁྲིམས་བཤེར་སྐོར་ཡིན། དྲ་གྲོགས་རྣམ་པ་དུས་ལྟར་ཁྲིམས་གླེང་གི་དྲ་ཚིགས་ལ་ཕེབས་ནས་གློག་བརྙན་འདིར་གཟིགས་པར་སྤྲོ་བསམ་འཁོལ་བའི་ངང་ནས་དགའ་བསུ་ཞུ།

ཨ་རིན་གྱིས་བསྒྱུར། ནམ་མཁས་མཚམས་སྦྱོར་བྱས།

འབྲོག་ཡུལ་དེ་དག་ཏུ་མངའ་ཐང་ཅན་གྱི་དཔོན་པོ་དང་། ཡང་ན་དགོན་སྡེ་ཁག་གིས་བཀས་བཀོད་ཀྱིས་བཞག་པའི་ཁྲིམས་གང་ཞིག་ཀྱང་མི་འདུག་པར་མ་ཟད་མི་སྡེའི་ཚོགས་པ་གང་རུང་གིས་གཏན་འབེབས་བྱས་པའི་བཅའ་ཁྲིམས་ཀྱང་མི་སྣང་ཞིང་། འོན་ཀྱང་ཡུལ་ལ་ཁྲིམས་གང་ཡང་མེད་པས་གང་བྱུང་དུ་མི་གསོད་པ་དང་། རྒྱུ་ནོར་འཕྲོག་པ་སོགས་མགོ་མཇུག་གཏན་ནས་མེད་པ་ཞིག་ཀྱང་མ་རེད།དེ་དག་གི་གནས་ལུགས་ནི་གནའ་བོའི་དུས་སུ་དར་སྲོལ་ཡོད་པའི་ལྷ་ཆོས་དང་མི་ཆོས་ཟུང་དུ་འབྲེལ་བའི་ཡུལ་ཁྲིམས་དག་རང་གཤིས་སུ་གོམས་འདྲིས་ཡུན་རིང་དུ་ཕྱིན་པའི་རྒྱུན་སྲོལ་མ་ཉམས་པ་ཞིག་ཡིན་འདུག འབྲོག་མིའི་ཡུལ་ཁྲིམས་ལ་ཞིབ་འཇུག་བྱེད་མཁན་གཙོ་བོ་ནི་འབྲོག་རུ་སོ་སོར་ཡོད་པའི་རྒན་པོ་ཞེས་བྱ་བ་འབྲོག་མི་རྒན་རིམ་བློ་ཁོག་དྲང་བ་དག་གིས་བྱེད་ཅིང་། དུས་ནི་གླང་ཟླའི་བཞི་རྒྱལ་དང་། དེར་མ་གྲུབ་པ་རྣམས་སྟག་ཟླའི་འདུ་བའི་སྐབས་སུ་ཞིབ་འཇུག་བྱེད་ཀྱི་ཡོད་འདུག

གྱོད་དཔེ་ཁག་ལ་རྟེན་ནས་ཁྲིམས་ལུགས་བཤད་པ། དེང་སྐབས་ཀྱི་གྲགས་ཆེ་བའི་ཉེས་དོན་གྱོད་གཞི་ཁག་ལ་དབྱེ་ཞིབ་བྱས་ནས། ཉེས་ཁྲིམས་དང་དེའི་གཏུག་བཤེར་བརྒྱུད་རིམ་ཁྲོད་ཀྱི་ཁྲིམས་ཁང་དང་གསར་ལམ་གྱི་འབྲེལ་བ། ཁྲིམས་བཟོ་དང་ཁྲིམས་འཛིན་རང་རྐྱ་ཐུབ་པའི་སྐོར་གྱི་གནས་ཚུལ་སོགས་མཚམས་སྦྱོར་བྱས་ཡོད།

རྒྱལ་ཁབ་ཀྱི་ཉེས་དོན་གཏུག་བཤེར་གྱི་ཁྲིམས་ལུགས་མཚམས་སྦྱོར་བྱེད་པའི་མུ་འབྲེལ་འགུལ་རིས་གློག་བརྙན་ཆུང་ཆུང་འདི་ནི་༼ཁྱེད་ཀྱི་ཐོབ་ཐང་ཤེས་དགོས།༽ཟེར་བའི་ལས་གཞི་ཡི་ལས་དོན་རྣམ་གྲངས་ཤིག་ཡིན། བརྙན་ཆུང་འདི་ལ་ཁྱོན་བསྡོམས་ལེའུ་ལྔ་ཡོད། ང་ཚོས་ཁྲིམས་གླེང་དྲ་ཚིགས་༼ trimleng.cn ༽བརྒྱུད་ནས་བདུན་ཕྲག་རེར་ལེའུ་གཅིག་རེ་གཏོང་གིན་ཡིན། དྲ་གྲོགས་རྣམ་པ་དུས་ལྟར་ཁྲིམས་གླེང་གི་དྲ་ཚིགས་ལ་ཕེབས་ནས་གློག་བརྙན་འདིར་གཟིགས་པར་སྤྲོ་བསམ་འཁོལ་བའི་ངང་ནས་དགའ་བསུ་ཞུ།

བཀག་ཉར་དང་འཛིན་བཟུང་གི་ཁྱད་པར།  ཉེས་དོན་གཏུག་བཤེར་གྱི་ཁྲིམས་ཀྱི་ནང་གི་བཀག་ཉར་དང་འཛིན་བཟུང་དབར་གྱི་ཁྱད་པར་དང་རྣམ་པ། རྒྱ་ནག་གི་ཉེས་དོན་བརྒྱུད་རིམ་གྱི་ཁྲིམས་ཀྱི་ཁྱད་ཆོས།  ཉེས་དོན་བརྒྱུད་རིམ་ཁྲོད་དུ་བཙན་ཤེད་ཀྱིས་རང་ཉིད་ནག་ཉེས་ཡིན་པའི་ངོས་ལེན་བྱེད་དུ་འཇུག་མི་ཆོག་པ་དང་། ཁྲིམས་མཐུན་མིན་པའི་དཔང་རྟགས་སུན་འབྱིན་བྱེད་དགོས་བ། རྒྱལ་ཁབ་བདེ་འཇགས་ཀྱི་ཉེས་མིང་འོག་ཉེས་འཛུགས་བྱེད་དུས་སོ་སོར་ཇི་ལྟར་སྲུང་སྐྱོབ་བྱེད་དགོས་བའི་སྐོར་མདོར་བསྡུས་ཙམ་བཤད་པ།